№33 «Алтын дән» балабақшасында   2018 жылдың 19 сәуір күні «Көркемдік-эстетикалық тәрбие» кластер бағыты бойынша  семинар  өтті.

 

Семинарда интеграция арқылы ұйымдастырылған оқу қызметін өте шебер көрсете білді. Қарамағындағы 17,19,31 серіктес балабақшалармен көрме ұйымдастырған. Көрмеде қолдан жасалынған түрлі заттардан көз сүрінеді. Бәрі әдемі, ғажап дерсің. Ерекше атап өтетін тағы бір жайт, ата-аналармен жұмыс. Ата-аналар келген қонақтарға дәстүрден тыс әдіс-тәсіл арқылы мастер-класс өткізді. Әр түрлі ғажап заттар жасады.

 

Жалпы семинарда балалармен де, ата-аналармен де, педагогтармен жұмыс көрсетілді. Балабақша меңгерушісі А.Е.Кенесова  барлық педагогтарымен қосылып,  Елордамыздың 20 жылдығына тарту ретінде шырқаған  «Астана кеші» әні келген әрбір қонақтың жадында сақталды деп ойлаймын. Семинарға келген педагогтар семинардың жақсы өткенін, өздеріне көптеген керек дүниелерді алғанын осындай семинарлардың алдағы уақытта тағы өткізіп тұрса деген ұсыныстар жасады.